VIDEOPOESIA – “E PURTAMULA STA CURONA…” – di Massimo Galantucci

Vola Vola Vola Vola Vola l’Ape Maia

  la cantammu quandu erumu piccinni spensierati

  moi anveci sta passamu nu piriutu ti disgraziati

         Ma moi vuliti à ssapiti ti ‘ddò è ssutu stu burdellu

         tici ca è ncuminzatu cu lu vulu ti nu pipistrellu

         ca cicatu com’era ‘nde pigghiati ti rribbutti

         fattu stai ca aqquai nd’è ‘nffittati a tutti

  e sta vivimu chiusi comu a ‘ntra na galera

  pesciu stamu ti quandu scuppiau lu culera

  Nd’amà ll’avà li mani cu l’acqua e lu saponi

  ndi sta bumbardunu cu tanta prescrizioni

         Una essi ccunzata ti casa cu pari cchiù carina

         nò si po’ pittà mancu li musi àva purtà la mascherina

         e puru ca sinti na grandi bonazza

         tici ca ci parli po’ vulà na sputazza

  e camini scanzandu cristiani a ‘nnanzi e tretu

  sempri cacazzatu cu li tieni luntani nu metru

  E tutti li fidanzati …quiddi ca s’annà spusari

  a ‘nnà spittàri maggiu cu ponnu pumisciari

        ma stannu li romanticoni quiddi nu picca hit

        ca nci sta mandunu li baci a casa cu Just Eat

        E ma sta curona porta nu saccu d’ammalati

        non eti quedda ca viti an capu a li laureati

  magari moi sta liggiti e vi sta veni nà risata

  nd’annu misu in quarantena zona rossa è divintata

  Nu grazie grandi grandi a nfirmieri e alli duttori

  ca sta fatiunu pi nui finu alli vintiquattrori

       nu picchi ti pacienza ..forza ca nci la facimu

       assimundi vittoriosi pi moi non c’è vaccino

       NON ASSITI TI CASA quistu eti l’appellu

       ca nd’amu fattu fottiri ti quiddu pipistrellu

IN BOCCA AL LUPO

  Massimo Galantucci

 

LASCIA UN COMMENTO