Santa De Maria….fani nu miraculu
Natali è alli porti che si avvicina
e nui moi stamu pescio ti prima
‘ndi truvamu à mmienzu a questa situazioni
sempri e sulu grazie a questa amministrazioni
Miminu quando è statu assessori
ad agosto ti lu natali era sintutu l’addori
e pinzandu a fistini con grande baldoria
è chiusa l’operazioni sobbra a piazza vittoria
case casetti cu mangiari e rricali
comu ogni annu sempri tali e quali
e pi alberu ti natali iu l’era pinzata all’amberza
stannu nienti abbeti…mittimu na quercia
non amu vutu lu tiempu mancu ti fistiggiari
ca Miminu l’annu fattu zzumpari
rrobba politica a tutti piaci lu mieli
a casa Miminu e trasi Rafeli
matò cce casinu…già tuttu sistimatu
l’èra fattu ti assessori pirceni l’annu vutatu
l’amici ti l’amici e moi comu a’nna ffari
e ce tici ca st’annu non ci amà ffatiari
la pista cu lu gghiacciu moi si sta squagghia
la delibbera ti lu natali rischia cu si tagghia
ma intantu sta passunu li giurni sta passunu li ori
e stu mercatinu s’ava ffari cu l’amori
po’ mancà tuttu puru lu mustazzuelu
ma ci manca quiddu apriti cielu
n’tra sta città nò funziona nienti lu tiniti pi viziu
apriti li uecchi e mittiti giutiziu
na Brindisi bbandunata e sta pinzati alli puttanati
nu picca ti rispettu a ci è ca v’è vvutati
di Massimo Galantucci
